Túrkimenstan Aýǵanstanmen shekarada jańa temirjol kópirin iske qosty
19:38, 12 Qyrkúıek 2024
<p>ASTANA. KAZINFORM – Túrkimenstan Prezıdenti Serdar Berdimuhamedov pen Túrikmen halqynyń ulttyq kóshbasshysy, Halyq máslıhatynyń tóraǵasy Gýrbangýly Berdimuhamedov Túrkimenstannyń Serhetabat qalasyn (burynǵy Kýshka qalasy) Aýǵanstannyń Týrgýndı qalasymen baılanystyratyn 177 metrlik temirjol kópiriniń ashylýyna qatysty.</p>
Kópir Týrgýndı stansasynyń ótkizý qabiletin, onyń eki eldiń taýar aınalymy úshin mańyzyn arttyrady. Sondaı-aq, konteınerler men basqa da tranzıttik júkterdi aýystyryp tıeý úshin «qurǵaq port» úlgisindegi qoıma keshenin salý josparlanǵan.
Kópirdi iske qosý «Soltústik-Ońtústik» dáliziniń shyǵys baǵytyn damytýǵa kiretin Týrgýndı-Gerat baǵyty boıynsha aýqymdy temirjol magıstraliniń mańyzdy kezeńi bolady.
Buǵan deıin habarlaǵanymyzdaı, Qazaqstan men Túrkimenstan gaz salasyndaǵy yntymaqtastyqty keńeıtý týraly kelisti.