Túrkııanyń syrtqy ister mınıstrligi Qazaqstanda ótken saılaýǵa qatysty pikir bildirdi

ANTALIıA. Anadoly - QazAqparat – Túrkııanyń Syrtqy ister mınıstrligi Qazaqstandaǵy Parlament jáne máslıhat depýtattaryn saılaý naýqanyna qatysty pikir bildirdi, dep habarlaıdy QazAqparat Anadoly agenttigine silteme jasap.

«Biz búgingi parlamenttiń tómengi palatasy (Májilis) men jergilikti atqarýshy organdardy (máslıhat) saılaý beıbit jáne tynysh ótkenine qýanyshtymyz. Ankaralyqtar saılaý nátıjesi baýyrlas qazaq halqy úshin nátıjeli bolǵanyn tileıdi», - delingen Túrkııanyń syrtqy ister mınıstrliginiń habarlamasynda.

Túrkııa ókildigi «Bıyl táýelsizdik alǵanyna 30 jyl tolǵan Qazaqstan men Túrkııanyń strategııalyq seriktestigi aldaǵy ýaqytta da damı beredi» degen senim bildirdi.

Eske salsaq, keshe Qazaqstanda Konstıtýtsııalyq merzimge saı ótken Parlament Májilis jáne máslıhat depýtattaryn saılaýy ótti.

Májilis saılaýynda elimizde tirkelgen 5 saıası partııa, atap aıtqanda, «Aýyl» halyqtyq-demokratııalyq patrıottyq partııasy, «Nur Otan» partııasy, «ADAL» saıası partııasy, Qazaqstannyń «Aq jol» demokratııalyq partııasy, «Qazaqstannyń Halyq partııasy» depýtattyq mandattan úmitti. Bul partııalar barlyq deńgeıdegi jergilikti máslıhattarǵa da kandıdattaryn usynǵan.

Májiliske 5 partııadan barlyǵy 312 kandıdat, onyń ishinde: «Aýyl» halyqtyq-demokratııalyq patrıottyq partııasynan 19; «Nur Otan» partııasynan 126; «ADAL» saıası partııasynan 16; Qazaqstannyń «Aq jol» demokratııalyq partııasynan 38 jáne «Qazaqstannyń Halyq partııasynan» 113 adam bar.

Saılaýdyń alǵashqy Exit poll nátıjesi jarııalandy.