Túrkııanyń shet elderdegi azamattary prezıdent saılaýynda daýys berýdi bastady

ANKARA. QazAqparat – Senbi, 20 mamyr kúni Túrkııadaǵy prezıdent saılaýynyń ekinshi kezeńi aıasynda shet memleketterde jáne shekaramańy pýnkterde daýys berý protsesi bastaldy. QazAqparat bul týraly Anadolyǵa silteme jasap habarlaıdy.

Túrkııanyń Joǵary saılaý komıssııasynyń (YSK) málimetinshe, álemniń 73 elinde 167 ýchaske jumysyn bastady.

Túrkııanyń shet memleketterdegi ókildikterinde daýys berý 24 mamyrǵa deıin jalǵasady.

Saılaý respýblıkanyń shekaramańy pýnkterinde jer ústindegi baqylaý-ótkizý beketterinde, áýejaılar men teńiz aılaqtarynda 28 mamyr, saǵat 17.00-ge deıin jalǵasady.

Bıýlletenderdi Ankaraǵa joǵary qaýipsizdik rejımin saqtaı otyryp, dıplomatııalyq kýrerler jetkizetin bolady.

Daýystardy sanaý 28 mamyr, saǵat 17.00-den keıin – Túrkııanyń óz ishinde daýys berý aıaqtalǵan ýaqytta bastalady.

Buǵan deıin habarlanǵandaı, 14 mamyr kúni Túrkııada ótken prezıdent saılaýynda elektorattyń 87,04 paıyzy daýys berdi, 1 mln 37 myń 104 paraqsha jaramsyz dep tanyldy. Bıýlletenderdi tolyq sanaý qorytyndysy boıynsha saılaýdyń birinshi kezeńinde Túrkııanyń is basyndaǵy basshysy Rejep Taııp Erdoǵan – 49,52%, oppozıtsııalyq Halyq-respýblıkalyq partııasynyń kóshbasshysy Kemal Kylychdaroglý – 44,88%, «Alıans ATA» blogynan kandıdat Sınan Ogan – 5,17%, «Otan» partııasynyń ókili Mýharrem Indje 0,43 daýys jınady.