Túrkııanyń ońtústik-shyǵysynda 4,1 baldyq jer silkinisi boldy

ANKARA. ANADOLY – QazAqparat - Túrkııanyń ońtústik-shyǵysyndaǵy Kahramanmarash provıntsııasynda 4,1 baldyq jer silkinisi boldy, dep habarlaıdy QazAqparat Anadoly agenttigine silteme jasap.

Túrkııanyń Tótenshe jaǵdaılardyń zardaptaryn joıý basqarmasynyń (AFAD) habarlaýynsha, jerasty dúmpýleri jergilikti ýaqyt boıynsha 18:40-ta tirkelgen. Jer silkinisiniń oshaǵy Túrkoǵly aımaǵynda ornalasqan.

Buǵan deıin habarlaǵanymyzdaı, 6 aqpanda Kahramanmarashta magnıtýdasy jeti baldan asatyn eki jer silkinisi boldy. Jer silkinisi eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.

Jer silkinisiniń materıaldyq shyǵyny eki trıllıon túrik lırasyn (105 mıllıard dollardan astam) quraıdy. Sońǵy málimetter boıynsha Kahramanmarashtaǵy jer silkinisinen qaza tapqandar sany - 50 096. 107 204 adam zardap shekti.