Túrkııanyń ońtústiginde 4,2 magnıtýdasymen jer silkindi

ANKARA. ANADOLY – QazAqparat – Senbi kúni Túrkııanyń ońtústigindegi Adana provıntsııasynda 4,2 magnıtýdasymen jer silkindi. Bul týraly Anadoly Tabıǵı apattar jáne tótenshe jaǵdaılarmen kúres jónindegi basqarmaǵa (AFAD) silteme jasap jazdy, dep habarlaıdy QazAqparat.

Jerasty dúmpýi jergilikti ýaqytpen saǵat 12:37-de tirkeldi. Oshaǵy Saımbeılı aýdanynda boldy. Tereńdigi – 7 km.

Eske salaıyq, 6 aqpanda Túrkııanyń Kahramanmarash provıntsııasynda magnıtýdasy 7 baldan asatyn eki joıqyn zilzala boldy. Terbelis eldiń 10 provıntsııasynda, sondaı-aq kórshiles memleketterde, sonyń ishinde Sırııada sezildi. Osy tabıǵı apattan Túrkııaǵa kelgen shyǵyn 105 mlrd dollardan asty.

Túrkııada 6 aqpan – 31 naýryz aralyǵynda 22,5 myń jerasty dúmpýi tirkeldi.

Sońǵy resmı derekterge sáıkes, zilzala 50 096 adamnyń ómirin qıdy. 107 204 adam zardap shekti.

Seısmıkalyq belsendilik Orta Azııada baıqalyp jatyr.