Túrkııanyń Marmarıs kýrortynyń mańyndaǵy orman órti baqylaýǵa alyndy
13:44, 24 Maýsym 2023
MÝGLA. QazAqparat - Ormandy alqaptaǵy órt oshaǵy Sarıan aýylynyń mańynda ornalasqan. Órtti sóndirýge 9 tikushaq, 6 ushaq, órt sóndirýshiler men ormanshylar jumyldyrylǵan, dep habarlaıdy QazAqparat Anadoly agenttigine silteme jasap.
Mýgla gýbernatory Orhan Tavly aımaqtaǵy jumystardyń jalǵasyp jatqanyn aıtty.
«Marmarıstegi orman órti baqylaýǵa alyndy. Órt sóndirýshiler aýadan da, jerden de sóndirý jumystaryn júrgizýde», - dedi Tavly.
Buǵan deıin habarlaǵanymyzdaı, órt alǵash bastalǵan Sarıan yqshamaýdanynda er adamnyń kúıip ketken máıiti tabylǵan. Іs boıynsha tergeý júrip jatyr.
Marmarıs kýrorttyq qalasy mańyndaǵy orman aımaǵynda juma kúni órt shyqty.