Túrkııanyń Kahramanmarash provıntsııasynda jer silkindi

ANKARA. ANADOLY - QazAqparat – Túrkııanyń Kahramanmarash provıntsııasynda jergilikti ýaqytpen saǵat 7:39-da jer silkindi. Bul týraly QazAqparat Anadolyǵa silteme jasap habarlaıdy.

Tabıǵı apattarmen kúres jáne tótenshe jaǵdaılar basqarmasynyń (AFAD) málimetinshe, 4,5 magnıtýdaly jerasty dúmpýiniń oshaǵy Kahramanmarash provıntsııasynyń Ekınozıýde eldi mekeninde ornalasty. Epıtsentri 7 shaqyrym tereńdikte boldy.

Eske salaıyq, Kahramanmarashta 21 naýryzda - 4,1 qýatymen, 23 naýryzda 4,3 jáne 5,3, 24 naýryzda 4,7 magnıtýdasymen jer silkinisteri tirkeldi.

6 aqpanda Túrkııanyń Kahramanmarash provıntsııasynda magnıtýdasy 7 baldan asatyn eki joıqyn zilzala boldy. Terbelis eldiń 10 provıntsııasynda, sondaı-aq kórshiles memleketterde, sonyń ishinde Sırııada sezildi. Osy tabıǵı apattan Túrkııaǵa kelgen shyǵyn 105 mlrd dollardan asty.

Sońǵy resmı derekterge sáıkes, zilzala 50 096 adamnyń ómirin qıdy. 107 204 adam zardap shekti.

Seısmıkalyq belsendilik Orta Azııada baıqalyp jatyr.