Túrkııanyń Kahramanmarash provıntsııasynda taǵy jer silkindi

ANKARA. Anadoly – QazAqparat – Túrkııanyń Tabıǵı apattar men tótenshe jaǵdaılar saldarymen kúres jónindegi basqarmasynyń málimetinshe, (AFAD) eldiń ońtústik-shyǵysynda ornalasqan Kahramanmarash provıntsııasynda 4,0 magnıtýdasymen jer silkindi. QazAqparat bul týraly Anadoly-ǵa silteme jasap habarlaıdy.

Jerasty dúmpýi jergilikti ýaqytpen saǵat 17:57-de (Astana ýaqytymen 20:57) tirkeldi. Oshaǵy Geksýn aýdanynda ornalasty.

Terbelis oshaǵy 11,56 km tereńdikte ornalasty.

Eske salaıyq, Túrkııada joıqyn eki zilzala bıylǵy 6 aqpan kúni dál osy Kahramanmarash provıntsııasynda boldy. Magnıtýdasy 7 baldan asty. Terbelis eldiń 10 provıntsııasynda, sondaı-aq kórshiles memleketterde, sonyń ishinde Sırııada sezildi. Tabıǵı apattan Túrkııaǵa kelgen shyǵyn 105 mlrd dollardan asty.

Túrkııada álsin-álsin jerasty dúmpýleri búginge deıin qaıtalanyp otyr. Máselen 6 aqpan – 31 naýryz aralyǵynda 22,5 myń terbelis tirkeldi.

Sońǵy resmı derekterge sáıkes, zilzala 50 096 adamnyń ómirin qıdy. 107 204 adam zardap shekti.