Túrkııanyń Qahramanmarash provıntsııasynda taǵy jer silkindi

ANKARA. ANADOLY – QazAqparat – Túrkııanyń Qahramanmarash provıntsııasynda 4,0 magnıtýdasymen taǵy jer silkindi, dep habarlaıdy QazAqparat Anadolyǵa silteme jasap.

Tótenshe jaǵdaılar basqarmasynyń (AFAD) málimetine sáıkes, zilzala Túrkııanyń Qahramanmarash provıntsııasynyń Geksýn aýdanynda bolǵan.

Eske salsaq, bıylǵy 6 aqpanda Túrkııanyń osy aımaǵynda joıqyn zilzaladan myńdaǵan adam qaza bolǵan edi. Sońǵy derekter boıynsha qurban bolǵandar sany 48 myńnan asyp otyr.

Túrkııa vıtse-prezıdenti Fýat Oktaıdyń málimetinshe, 3 myńnan astam qutqarýshy apat aımaqtarynda áli de jumys júrgizip jatyr.
Apat aımaǵynda 1 mıllıon 805 myń 842 ǵımarat tekserilip, 653 myń turǵyn úı apatty jáne ortasha zaqymdanǵan dep tanylǵan. Qoqystyń 20 paıyzy shyǵaryldy.