Túrkııanyń Hataı provıntsııasynda QR Tuńǵysh Prezıdenti kúnine arnalǵan sharalar ótti
Atalǵan sharalardyń aıasynda QR TR elshisi Janseıit Túımebaev Túrkııanyń tanymal ári baı provıntsııasy Hataıǵa jumys saparymen bardy. Sırııanyń shekarasynan 30 shaqyrym jerde ornalasqan provıntsııa negizgi úsh din - ıslam, hrıstıan jáne ıýdaızmniń kelisim tapqan ornyna aınalǵan.
Hataıǵa jasaǵan jumys sapary barysynda provıntsııa gýbernatory Kadım Dogan, Antakııa qalasynyń meri Lıýtfý Savashpen, Mustafa Kemal atyndaǵy Ýnıversıtet rektory, professor Hýsnıý Salıh Gıýlermen, isker top ókilderi jáne mádenıet qaıratkerlerimen kezdesti. Sonymen birge, qazaqstandyq elshi provıntsııanyń ónerkásip nysandarynda boldy. Іssapar barysynda QR Tuńǵysh Prezıdenti jáne Qazaqstanyń táýelsiz alǵannan keıingi jetken jetistikteri týraly fotokórme ótkizildi.
Kezdesýde Qazaqstan men Túrkııa arasyndaǵy aımaqaralyq yntymaqtastyqty damytý máselesi áńgime arqaýyna aınaldy. Hataı provıntsııasynyń basshylyǵy Qazaqstannyń jetistikterin joǵary baǵalap, bul jolda eldiń Tuńǵysh Prezıdenti Nursultan Nazarbaevtyń róli erekshe ekendigin atap ótti. Qazaqstannyń Ortalyq Azııa aımaǵyndaǵy ekonomıkasy, ishki saıası jaǵdaıy turaqty ekendigin jáne qarqyndy syrtqy saıasaty da atap ótildi.
«Nursultan Nazarbaevtyń syrtqy saıasaty - Qazaqstannyń aýqymdy álemdegi jarqyn kórinisi. Álemdik qoǵamdastyq Qazaqstan kóshbasshysynyń táýelsizdik jyldary qol jetkizgen jasampaz qaıratkerligin joǵary baǵalady jáne búginde eldiń onyń jetistikterimen maqtanýyna tolyqtaı negizi bar!», - dep atap ótti gýbernator K. Dogan.
Baǵdarlamanyń jalǵasy retinde aımaqta QR Tuńǵysh Prezıdenti kúnin toılaýǵa arnalǵan sharalar aıasynda Qazaqstan men Túrkııa qarym-qatynastaryna arnalǵan konferentsııa ótti. Sharaǵa qala basshysy Lıýtfý Savash, provıntsııa gýbernatory K.Dogan, Qazaqstannyń Túrkııadaǵy elshisi J.Túımebaev qatysty.
Basshylardyń kezdesý qorytyndysy boıynsha, Hataı provıntsııasynyń isker jáne akademııalyq toptary Qazaqstanmen tyǵyz qarym-qatynas ornatýǵa qyzyǵýshylyq bildirdi.