Túrkııanyń Hataı qalasynda taǵy jer silkindi
22:19, 23 Aqpan 2023
ANKARA. Anadoly - QazAqparat – Túrkııanyń Hataı qalasynda 5,0 magnıtýdasymen jer silkindi, dep habarlaıdy QazAqparat Anadoly agenttigine silteme jasap.
«Dúleı apattarmen jáne tótenshe jaǵdaılarmen kúres jónindegi basqarma (AFAD) saıtynda jarııalanǵan aqparatqa sáıkes, jer silkinisi Hataı qalasynyń Defna aýdanynda boldy. Jerasty dúmpýiniń tereńdigi – 9,76 km», - delingen Anadoly málimetinde.
Eske salaıyq, 20 aqpan kúni Defne aýdanynda bolǵan 6,4 baldyq jer silkinisinen 6 adam qaza taýyp, 562 turǵyn zardap shekken bolatyn.
6 aqpanda Túrkııanyń Kahramanmarash aımaǵynda bolǵan joıqyn zilzaladan mert bolǵandar sany sońǵy málimet boıynsha 42 310 adamǵa jetti.