Túrkııanyń brondy mashına jasaıtyn kompanııasy Qazaqstanǵa tehnologııasyn engizýge nıetti

ASTANA. QazAqparat - Túrkııanyń brondy mashına jasaıtyn «Otokar» kompanııasy Qazaqstanǵa tehnologııasyn engizip, brondy mashınalardy shyǵarýdy kózdep otyr. Bul týraly «KADEX-2018» V halyqaralyq kórmesinde «Otokar» kompanııasynyń bas dırektory Serdar Gergıých málim etti, dep habarlaıdy QazAqparat tilshisi.

«Eń aldymen, «KADEX-2018» kórmesine qatysyp otyrǵanymyzdy Qazaqstan tarapynyń bizge kórsetken úlken qurmeti dep bilemiz. «Otokar» - brondy mashınalardy shyǵarýshy bolyp tabylady. Ónimderiniń birqatar túrleri bar. Kompanııa mashınalarynyń salmaǵy - 3-60 tonnaǵa deıin jetedi. Dóńgelekteriniń formasy - 4-4, 6-6, 8-8-dik qalypta. Otokar - «Koch» holdıngine enetin jeke kompanııa. Qazirgi ýaqytta «Otokar» óndirip jatqan brondy mashınalar 25 eldiń, atap aıtqanda Afrıkanyń, Amerıkanyń, Parsy shyǵanaǵynan bastap, Azııa elderiniń áskerı qurylymdarynda bar. Dál qazirgi tańda Parsy shyǵanaǵy aımaǵynda «Otokar» óziniń jergilikti kompanııalaryn quryp, 8-8-dik brondy mashınalardy shyǵarýda», - deıdi kompanııasy bas dırektory.

Serdar Gergıýchtyń aıtýynsha, otokarlyq brondy mashınalar kóp bolmasa da, Qazaqstanǵa jetkizilip jatyr. Naqtyraq aıtqanda, kompanııanyń «Kobra-2» tehnıkasy Qazaqstannyń Qarýly Kúshterinde 5 jyldan beri qoldanylyp keledi. Kórmelerde ǵana emes, shynaıy ekstremaldy jaǵdaıda mashınalarymyzdyń joǵary deńgeıde qyzmet etip jatqanyn atap ótkimiz keledi», - deıdi ol.

Ol sonymen qatar, Túrkııa men Qazaqstan geografııalyq turǵyda alysta jatqanymen, kompanııa úshin bizdiń elde birshama áleýet baryn atap ótti.

«Bizdiń negizgi maqsat - tehnologııalardy berý arqyly Qazaqstan aýmaǵynda mashınalardyń jergilikti deńgeıde óndirilýine qol jetkizý. «Koch» holdıngi Qazaqstan ekonomıkasyna ınvestıtsııa salýdy kózdeıdi.

«Bizdiń «Kobra-2» tehnıkasy álemde úlken suranysqa ıe. Tutynýshylarymyz razy. Bizdiń ónimderiniń óndirisi men satylymymen shektelmeımiz. Mashınalarymyz ártúrli klımattyq jaǵdaıda álemniń túkpir-túkpirinde qoldanysta. Alǵashqy qadam retinde Qazaqstan aýmaǵynda dóńgelekteriniń qalpy 8-8-dik brondy mashınalardy óndirýdi josparlap otyrmyz. Qazirgi ýaqytta Qazaqstan basshylyǵyndaǵy jaýapty ókildermen kelissózder júrgizilýde. Qazaqstanda joǵary bilikti ınjenerler jetkilikti», - deıdi Serdar Gergıých.

Kórmeni uıymdastyrýshy - QR Qorǵanys jáne aeroǵarysh ónerkásibi mınıstrligi, «Qazaqstan ınjınırıng» UK» AQ.

Eske sala ketsek,  búgin Astanada Elbasy Nursultan Nazarbaevtyń qatysýymen «KADEX-2018» V halyqaralyq kórmesi ashyldy.  «KADEX-2018» V halyqaralyq qarý-jaraq jáne áskerı-tehnıkalyq múlik kórmesi 26 mamyrǵa deıin jalǵasady. Kórmege Reseı, Belarýs, Qyrǵyzstan, Armenııa, Túrkııa, Iordanııa, Ázerbaıjan, Izraıl, Italııa syndy 40-tan astam elderdiń ókilderi qatysady. Belarýs, Belgııa, Bolgarııa, Brazılııa, Germanııa, Izraıl, Úndistan, Ispanııa, Italııa, QHR, Nıderlandy, RF, AQSh, Serbııa sııaqty álemniń 28 eliniń 318 kásiporny óz ónimderin usynady.