Túrkııanyń bedeldi jýrnaly tutas nomerin uly aqyn Abaı Qunanbaevtyń 170 jyldyq mereıtoıyna arnady
17:43, 03 Qarasha 2015
ASTANA. QazAqparat - Túrkııanyń bedeldi jýrnaly tutas nómerin uly aqyn Abaı Qunanbaevtyń 170 jyldyq mereıtoıyna arnady. Bul týraly súıinshi habardy belgili jazýshy, dramatýrg, halyqaralyq «Alash» ádebı syılyǵynyń laýreaty Dýman Ramazan óziniń Feısbýktaǵy jeke paraqshasynda habarlady.
«Túrkııanyń bedeldi «Kóroǵly» jýrnaly uly aqynymyz Abaı atamyzdyń 170 jyldyq mereıtoıyna oraı tutas nomerin arnapty... Osyny súıinshilep jetkizgen basylymnyń bas redaktory Omar Mehmetzade baýyrymyzǵa myń da bir rahmet! Júz jasańyz, Omar myrza!» - dep jazylǵan jazýshynyń paraqshasynda.
Aıta keteıik, «Kóroǵly» jýrnaly - Túrkııanyń Eskishahar qalasynda aı saıyn shyǵyp turatyn iri basylymdarynyń biri. Bas redaktory - jazýshy, aýdarmashy Omar Mehmetzade Kúchúkmehmetoǵlý.