Túrkııanyń batysynda zilzala qurbandarynyń sany 100 adamǵa jetti

IZMIR. Anadoly-QazAqparat – Túrkııanyń batysyndaǵy zilzala qurbandarynyń sany 100 adamǵa jetti. Bul týraly Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD) málimdedi, dep habarlaıdy QazAqparat Anadoly agenttigine silteme jasap.

Basqarmanyń málimetinshe, 30 qazandaǵy Túrkııanyń batysynda bolǵan 6.6 baldyq jer silkinisinen keıin 1401 dúmpý bolǵan. Onyń 44-iniń magnıtýdasy 4 baldan joǵary.

Aýrýhanalarǵa 994 adam jetkizilgen. Zardap shekkenderdiń 884-i medıtsınalyq kómek kórsetilgen soń úıine jiberilgen, 147-si emdelip jatyr. Olardyń 12-si jan saqtaý bóliminde.

17 qıraǵan úıdiń 12-siniń úıindilerin bólshekteý aıaqtaldy.

Túrkııa prezıdenti Rejep Taıyp Erdoǵan buǵan deıin jer silkinisiniń saldaryn joıý úshin memlekettiń barlyq qajetti resýrstarynyń shoǵyrlanǵanyn málimdegen bolatyn.

Memleket basshysy úıinen aıyrylǵan barlyq azamat jańa páterler alatynyn atap ótti.