Túrkııanyń batysynda oqý-jattyǵý ushaǵy qulady

ANKARA. QazAqparat – Túrkııanyń batysyndaǵy ıÝnýselı áýejaıynyń mańynda ushaq apatqa ushyrady, zardap shekkender bar, dep habarlaıdy QazAqparat Haber saıtyna silteme jasap.

«Túrkııanyń Býrsa provıntsııasynyń Osmanǵazı aýdanyndaǵy turǵyn úılerdiń arasyna motorly oqý-jattyǵý ushaǵy qulady. Ushaq qulaǵan sátte birden órt paıda boldy. Jattyǵý tehnıkasynyń ushqyshy men kýrsanty oqıǵa ornynda kóz jumdy. Basqa qaza tapqandar men zardap shekkender týraly habar joq», - dep jazdy sheteldik aqparat kózi.

Ushaq kýrsanttardyń oqý baǵdarlamasy aıasynda ıÝnýselı áýejaıynan ushyp, az ýaqyttan keıin atalǵan eldi mekenge qulaǵan. Tótenshe oqıǵanyń saldarynan osy aýdanda ornalasqan abattandyrylǵan úıler buzylyp, turaqqa qoıylǵan kólikter de zardap shekti.

Mamandardyń aıtýynsha, áýe kemesi tehnıkalyq aqaýlarynyń saldarynan da qulap ketý yqtımaldyǵy bar. Oqıǵanyń mán-jaıy tergelý ústinde. Apat orny polıtsııamen qorshalǵan, onda órt sóndirýshiler, qutqarý qyzmetiniń mamandary men jedel medıtsınalyq járdem brıgadalary jumys istep jatyr.