Túrkııanyń barlyq mektebinde 20 aqpanǵa deıin oqý toqtatyldy

ASTANA. QazAqparat – Túrkııanyń ondaǵan myń muǵalimi jer silkinisi aımaǵynda júr jáne mektepterde 20 aqpanǵa deıin sabaq bolmaıdy, dep habarlaıdy QazAqparat Anadoly agenttigine silteme jasap.

Túrkııanyń Ulttyq bilim mınıstri Mahmut Ózer Tvıtter jelisinde Kahramanmarash jer silkinisinen keıingi mektepterdegi bilim berý protsesi týraly málimdeme jasady.

«Biz bastan keshken jer silkinisine baılanysty tutas Túrkııada bilim berý úzilisin 20 aqpanǵa deıin uzartýdy uıǵardyq», - dep jazdy bilim mınıstri.

Sonymen birge, M. Ózer TRT Haber tikeleı efırdegi málimdemesinde ondaǵan myń muǵalim jer silkinisi aımaǵynda júrgenin jáne bul protsesti buzbaý úshin demalysty uzartý týraly sheshim qabyldanǵanyn aıtty.

Resmı derek boıynsha, Túrkııada zilzaladan kóz jumǵandar sany 14 myńnan asty, taǵy 63 myń 794 adam jaralanǵan.

Búgin keshke Túrkııada úıindi astynan Qazaqstan azamatynyń denesi tabyldy.

Foto: www.aa.com.tr