Túrkııanyń seısmıkalyq aımaǵynda bolattan qurastyrylǵan alǵashqy úıler qoldanysqa beriledi

<p><strong>ANKARA. KAZINFORM - Túrkııanyń Kahramanmarash aımaǵynda jer silkinýinen zardap shekken aýyldarda bolat qańqadan salynǵan alǵashqy úıler 6 aqpanda tapsyrylady.</strong></p>

Bul týraly Túrkııanyń qorshaǵan orta, qala damýy jáne klımattyń ózgerýi mınıstri Mehmet Ojasekı Instagram áleýmettik jelisindegi paraqshasynda málim etti. Mınıstr aýyl úıleriniń sýretin júktegen.

«Bolattan salynǵan aýyl úılerin berýdiń birinshi kezeńin bastaımyz. Sońǵy 6 kún qaldy», - dep jazdy ol.

Ótken jyly 6 aqpanda Túrkııanyń ońtústik-shyǵysyndaǵy Gazıantep provıntsııasynda 6,4-6,6 magnıtýdaly, keıin 7,4 magnıtýdaly qýatty jer silkinisi bolǵan edi.

Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.