Túrkııanyń qarý-jaraq zaýytynda jarylys bolyp, 12 adam qaza tapty

<p>ASTANA.KAZINFORM&nbsp;&mdash; Seısenbi kúni tańerteń Túrkııanyń batysyndaǵy qarý-jaraq zaýytynda jarylys boldy. Saldarynan 12 adam qaza taýyp, beseýi jaralandy, dep jazady <a href="https://ru.euronews.com/2024/12/24/turkey-armement-factory-explosion" target="_blank" rel="noopener">Euronews</a>.</p>

Memlekettik Anadoly agenttiginiń habarlaýynsha, jarylys Karesı aımaǵy Balykesır provıntsııasyndaǵy jarylǵysh zattar shyǵaratyn zaýytta bolǵan.

Balykesır gýbernatory Ismaıl Ýstaoǵlý jarylystan negizgi óndiristik ǵımarattardyń biri opyrylǵanyn, al aınalasyndaǵy ǵımarattardyń azdap zaqymdanǵanyn aıtty. Onyń aıtýynsha, oqıǵa ornynda túrik prokýrorlary jumys istep, oqıǵanyń mán-jaıyn anyqtap jatyr.

— Bizdiń boljamymyzsha, ishinde birde-bir azamat qalǵan joq. Jarylys tehnıkalyq sebepterge baılanysty boldy, — dedi Ýstaoǵlý.

Ádilet mınıstri Iylmaz Týnch X áleýmettik jelisinde jarylystyń sebepterin anyqtaý úshin tórt prokýrorǵa tapsyrma berilgenin jazdy.

Túrkııa prezıdenti Rejep Taıyp Erdoǵan oqıǵaǵa baılanysty kóńil aıtty.

— 12 baýyrymyzdyń qazasyna qaıǵyryp kóńil aıtamyn, — degen ol jaralylardyń tezirek saýyǵyp ketýin tiledi.