Túrkııanyń Izmır qalasynda jarylys bolyp, 5 adam qaza tapty

<p>ASTANA. KAZINFORM &ndash; Túrkııanyń Izmır provıntsııasynyń Torbaly aýdanyndaǵy meıramhanada bolǵan jarylys saldarynan aldyn ala málimet boıynsha bes adam qaza taýyp, taǵy 57 adam jaraqat aldy, dep habarlaıdy <a href="https://azertag.az/ru/xeber/vzryv_v_tureckom_izmire_5_pogibshih_57_ranenyh-3075782" target="_blank" rel="noopener">AZERTADJ</a> aqparat agenttigi.</p>

Agenttik málimetinshe, órt sóndirýshiler Aırandjılar oramynda ornalasqan meıramhanadaǵy órtti aýyzdyqtady.

Túrkııa Ádilet mınıstrliginiń basshysy Iylmaz Týnch áleýmettik jelide habarlaǵanyndaı, jergilikti ýaqyt boıynsha saǵat 14:43-te bolǵan qaıǵyly oqıǵanyń sebepteri anyqtalyp jatyr. 
Dárigerlerdiń aıtýynsha, zardap shekkenderdiń keıbiriniń jaǵdaıy aýyr.

Izmır gýbernatory Súleıman Elban jýrnalısterge jarylystan aınaladaǵy 11 ǵımarattyń zaqymdalǵanyn aıtty. 

Bılik ókilderi oqıǵaǵa gazdyń jarylýy sebep bolǵanyn joqqa shyǵarmaıdy.