Túrkııanyń eki aımaǵynda 5 balǵa jýyq jer silkindi

<p>ASTANA.KAZINFORM - Túrkııanyń Malatııa provıntsııasynyń Doganshehır aýdanynda Rıhter shkalasy boıynsha 4,9 baldyq jer silkinisi boldy. Biraz ýaqyttan keıin Rıze provıntsııasynyń Hemshın aýdanynda taǵy bir jer silkinisi tirkeldi. Bul týraly <a href="https://www.inform.kz/ru/turtsiyu-snova-tryaset-srazu-dva-zemletryaseniya-proizoshlo-na-territorii-strani-a47b09" target="_blank" rel="noopener">Kazinform-nyń</a> menshikti tilshisi habarlady.</p>

Malatııadaǵy jer silkinisinen keıin birden Rızede de 4,7 baldyq zilzala tirkeldi. Dúmpý Artvın, Baıbýrt, Erzýrým jáne Trabzonda da sezilgen.

Túrkııa úkimetiniń Tabıǵı apattardyń aldyn alý jáne apattardy basqarý departamentiniń (AFAD) habarlaýynsha, adamdar dúrbeleńge túsip, kópshiligi úılerin tastap ketken.

Qutqarýshylar jaǵdaıdy baqylap, jergilikti bılik turǵyndardy sabyrlyq pen saqtyq sharalaryn saqtaýǵa shaqyrdy.

Buǵan deıin joǵary ınflıatsııaǵa baılanysty týrıster Túrkııaǵa saıahattaýdan bas tartyp jatqany týraly jazǵanbyz.