Túrkııanyń Bodrým qalasynda reseılik áıel men onyń qyzyn óltirip ketti

<p>Túrkııanyń Bodrým kýrorttyq qalasynda reseılik eki áıeldiń denesi tabyldy. Olar sol qalada turatyn anasy men qyzy bolyp shyqty. Kazinform agenttiginiń tilshisi bul týraly <a href="https://www.cnnturk.com/turkiye/carsafa-sarilip-iple-baglamislar-rus-anne-kiz-sarp-arazide-bulundu?page=1" target="_blank" rel="noopener">CNN T&uuml;rk-</a>ke silteme jasap habarlaıdy.</p>

Jergilikti polıtsııa áıel men qyz balanyń denesin týrısterdiń súıikti ornyna arnalǵan Mýgla provıntsııasynda jol jıeginen tapty. Olardyń denelerin jaımaǵa orap, arqanmen baılap, tastyń artyna jasyryp ketken.

Polıtsııanyń shamalaýynsha, Reseı azamattaryn belgisiz bireý óltirip, qylmys izin jasyrý úshin qala syrtyna alyp ketken. Qatygezdikpen óltirilgen qurbandar – 42 jastaǵy Irına Dvızova men onyń 15 jasar qyzy Daıana ekeni anyqtaldy.

Áıel Túrkııada jyljymaıtyn múlik agenti bolyp jumys istep, qyzymen birge Bodrýmda turǵan. Olar týystarymen birneshe kún boıy habarlaspaǵan soń, polıtseıler izdeýge kirisken.

Ókiletti organdardyń nusqasy boıynsha, eki adamdy óltirdi degen kúdikke áıeldiń burynǵy kúıeýi ilikti, ol basqa eldiń azamaty. Búginde onyń qaıda júrgeni belgisiz. Quqyq qorǵaý organdarynyń málimetinshe, ol shetelge ketip qalǵan.

Qazirgi kezde tıisti tergeý amaldary júrgizilip jatyr. Deneler sot-medıtsınalyq protsedýralardy ótkizý úshin máıithanaǵa jetkizildi.