Túrkııanyń batysynda eki ret jer silkindi

<p>Túrkııanyń Býrsa qalasy men Ystanbuldyń eýropalyq bóliginde araǵa birneshe mınýt salyp birden eki jer silkinisi boldy. Bul qalalardyń turǵyndary qatarynan birneshe jerasty dúmpýin sezdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Túrkııa tótenshe jaǵdaılardyń aldyn alý jáne saldaryn joıý basqarmasynyń (AFAD) aqparatyna sáıkes, 5,1 baldyq alǵashqy jerasty dúmpýi Ankara ýaqytymen saǵat 10:42–de (Astana ýaqytymen saǵat 13:42) tirkelgen.

Zilzala oshaǵy — Mármár teńizindegi Gemlık shyǵanaǵynda 8,98 km tereńdikte. Jer silkinisiniń epıtsentri Býrsa provıntsııasyndaǵy Mýdanıa qalasynyń mańynda ornalasqan.

Saǵat 10:45–te osy aýdanda Rıhter shkalasy boıynsha magnıtýdasy 4,5 baldyq taǵy bir jer silkinisi tirkelgen.

Túrkııanyń ishki ister mınıstri Álı Ierlıkaıanyń habarlaýynsha, qazirgi kezde ókiletti organdar qalalyq ınfraqurylymdy zertteý jáne tekserý jumysyn júrgizip jatyr.

Osy saǵatta ǵımarattar men qurylystardyń qıraǵany týraly aqparat túsken joq.

Turǵyndar arasynda qaza tapqandar men zardap shekkender joq.

Eske sala ketsek, 1 jeltoqsanda Túrkııanyń Malatıa qalasynda magnıtýdasy 4,8 baldyq jer silkinisi boldy. Jerasty dúmpýi 7 km teremdikte tirkeldi.

Onyń oshaǵy Malatıa qalasynyń Akchadag aýdanynda ornalasqan.