Túrkııany dúr silkindirgen qylmys: «jańa týǵan náresteler» arqyly paıdaǵa kenelmek bolǵan

<p>YSTANBUL. KAZINFORM &ndash; Túrkııada &laquo;sábılerge&raquo; qatysty janjal shyqty. Atalmysh qylmysqa 47 adamnan quralǵan top arasynda dárigerler, medbıkeler men aýrýhananyń ózge de qyzmetkerleriniń qatysy bar bolýy múmkin.&nbsp; Uıymdasqan qylmystyq top múshelerine aýyr naýqasqa shaldyqqan jańa týǵan náresteler arqyly qarjylaı paıda tabý maqsatynda jekemenshik emdeý mekemelerine zańsyz jóneltip otyrǵan degen aıyp taǵylyp otyr, dep habarlaıdy Kazinform-nyń <a href="https://www.inform.kz/ru/zaderzhaniebandi-novorozhdennih-v-turtsii-prestuplenie-shokirovavshee-stranu-b7b068" target="_blank" rel="noopener">menshikti tilshisi</a>.</p>

Tergeý amaldary kóptegen aryz-shaǵymdardan keıin bastalǵan. Kúdiktiler Túrkııanyń memlekettik áleýmettik saqtandyrý júıesinen (SGK) tólemder alý úshin shottardy negizsiz ósirip, naýqas balalardy aýrýhanalarda meıilinshe uzaq jatqyzýǵa tyrysqan.  

Tergeý anyqtaǵandaı, jańa týǵan náresteler aýystyrylǵan jekemenshik aýrýhanalarda medıtsınalyq kómek kórsetýge ońtaıly jaǵdaı bolmaǵandyqtan, keminde 10 náreste qaıtys bolǵan. 

Bandanyń jetekshisi retinde Túrkııanyń jedel járdem jelisi arqyly jańa týǵan nárestelerdi jeke aýrýhanalarǵa jiberýdi úılestirgen doktor Fırat Sary dep tanylǵan.

Tergeý barysynda jan túrshigerlik jaıttar, sonyń ishinde qylmystyq top músheleriniń sábılerdiń taǵdyryn beıqamdyqpen talqylaǵan áńgimeleriniń jazbalary anyqtalǵan. Keıbir dárigerler men medbıkeler kómek kórsetýge qasaqana salǵyrttyq tanytyp, jańa týǵan nárestelerdiń jaǵdaıyn aýyrlatyp, tipti ólimge ákelip soqtyrǵan derekter anyqtalyp otyr. 

Qazirgi ýaqytta 22 adam qamaýǵa alynyp, osy iske qatysy bar jeke klınıkalardyń jumys isteý lıtsenzııasy toqtatyldy. Túrik úkimeti, onyń ishinde eldiń Densaýlyq saqtaý mınıstrligi aýqymdy tekserýlerge kirisip, barlyq kinálilerdi jazalaý úshin isti aıaǵyna deıin jetkizýge ýáde berdi.