Túrkııalyqtarǵa kómektesý úshin Qazaqstanda $10 mln astam qarajat jınaldy

ASTANA. QazAqparat - Búgingi tańda Qazaqstanda Túrkııadaǵy jer silkinisi kezinde zardap shekkender úshin ashylǵan shotqa shamamen 10 mıllıon dollar (188,7 mıllıon túrik lırasy) tústi. Barlyq qarajat tótenshe jaǵdaılardyń aldyn alý jáne joıý basqarmasyna (AFAD) aýdarylady, dep habarlaıdy QazAqparat Anadoly agenttigine silteme jasap.

Túrkııanyń Astanadaǵy elshiliginiń habarlaýynsha, qazaqstandyq kásipkerlerdiń biriniń qorynan qaıyrymdylyq shotyna 5 mln dollar somasy túsken.

«Jer silkinisi kezinde zardap shekkender úshin 5 mıllıon dollar aýdarǵan qorǵa alǵysymyzdy bildiremiz. Osylaısha, Qazaqstanda AFAD-qa aýdarylǵan jalpy soma 10 mln dollarǵa jýyqtady», - delingen habarlamada.

Esterińizge sala keteıik, 6 aqpanda Túrkııanyń ońtústik-shyǵysynda magnıtýdasy jeti baldan asatyn eki jer silkinisi boldy (jergilikti ýaqyt boıynsha 04.17-de – 7,7 ball jáne 13.24-te – 7,6 ball).

Túrkııanyń ońtústik-shyǵysyndaǵy joıqyn jer silkinisinen qaza tapqandar sany 44,2 myńnan asty.

Prezıdent Rejep Taıyp Erdoǵan Túrkııada tabıǵı apat qurbandary úshin jalpyulttyq aza tutý týraly jarııalady.