Túrkııaǵa Sputnik V vaktsınasynyń 50 mln dozasy jetkiziledi

ANKARA. Anadoly - QazAqparat – Túrkııa Sputnik V reseılik vaktsınasynyń 50 mln dozasyn alý týraly kelisimge qol qoıdy. Bul týraly Túrkııanyń densaýlyq saqtaý mınıstri Fahrettın Kodja aıtty, dep habarlaıdy QazAqparat Anadoly agenttigine silteme jasap.

Vedomstvonyń habarlaýynsha, vaktsınany alý sharalary mamyr aıynda bastalmaq. Ekpe toptamasy Túrkııaǵa aldaǵy jarty jyl ishinde jetkizilip jetkiziledi.

Fahrettın Kodja qazirgi kezde Túrkııada qoldanystaǵy BioNtech vaktsınasynyń eki dozasyn salý aralyǵy 6-7 aptaǵa deıin uzartylǵanyn aıtty.

Sonymen qatar mınıstr el aýmaǵynda tirkelgen koronavırýstyń jańa túrlerin juqtyrý oqıǵalary týraly aqparat berdi.

«Úndilik nusqa Ystanbuldaǵy 5 azamatymyzdan tabyldy. Bul nusqa birinshi ret anyqtalyp otyr, sol sebepti juqtyrý oqıǵasy jeke tekseriledi», - dedi Túrkııa mınıstri.

Sonymen qatar ol jaqyn arada Túrkııada «Faza-3» synaǵy aıasynda túrkııalyq belsendirilmegen vaktsınany testileý bastalatynyn atap ótti. Mınıstrdiń aıtýynsha, bul – preparatty jalpy qoldanysqa shyǵarý aldyndaǵy sońǵy qadam.