Túrkııaǵa koronavırýsqa qarsy vaktsınanyń alǵashqy partııasy kelip jetti

ANKARA. Anadoly-QazAqparat – Túrkııa astanasy Ankaraǵa sársenbi kúni SinoVac Biotech qytaı kompanııasy ázirlegen COVID-19-ǵa qarsy vaktsınanyń alǵashqy 3 mıllıon dozasy tıelgen ushaq jetti, dep habarlaıdy QazAqparat Anadoly agenttigine silteme jasap.

17 konteıner vaktsınamen Beıjińnen ushyp kelgen Boeing 777 ushaǵy Esenbuǵa (Esenboga) áýejaıyna jergilikti ýaqyt boıynsha 05:44-te kelip qondy.

Eldiń densaýlyq saqtaý mınıstri Fahrettın Qodja vaktsına jetkeni týraly Twitter paraqshasynda jarııalady.

Ol sondaı-aq testileýden keıin 14 kún ótken soń vaktsınatsııa bastalatynyn aıtty.

«Testileý aıaqtalǵan soń qoǵamdyq densaýlyq saqtaý bas basqarmasynyń úılestirýimen bizdiń vaktsınatsııa baǵdarlamamyz júrgiziledi. Biz jetistikke birge jetemiz», - dep atap ótti ol.

F.Qodja buǵan deıin Túrkııanyń SinoVac vaktsınasynyń 50 mıllıon dozasyn alatynyn jáne alǵashqy 20 mıllıon doza osy jyldyń jeltoqsan jáne 2021 jylǵy qańtarda jetkiziletinin málimdegen bolatyn.

Mınıstr sondaı-aq Túrkııa BioNTech nemis bıotehnologııa fırmasy ázirlegen basqa vaktsınanyń 30 mıllıonǵa deıingi dozasyn satyp alatynyn da jarııalaǵan edi.

Agenttiktiń habarlaýynsha, vaktsınatsııa ázirge mindettelmeıdi.

Túrkııa halyqty jappaı vaktsınatsııalaýǵa múmkindik bere otyryp, koronavırýsqa qarsy vaktsınatsııanyń qajettiligine sendirýge tyrysady.

Seısenbi kúngi jaǵdaı boıynsha Túrkııada koronavırýstan jalpy sany 20 388 ólim tirkelgen.

2 mıllıonnan astam adam saýyǵyp shyqqan.

Qazirgi ýaqytta elde 2,17 mıllıonnan astam aýrýǵa shaldyǵý jaǵdaıy tirkelgen.