Túrkııaǵa kirý úshin endi PTR testi qajet emes
15:21, 01 Maýsym 2022
ANKARA. QazAqparat - Túrkııa bıligi elde koronavırýsqa qarsy shekteýlerge qatysty jańa jeńildikter engizdi, dep habarlaıdy QazAqparat tilshisi Túrkııanyń Іshki ister mınıstrligine silteme jasap.
1 maýsymnan bastap Túrkııanyń barlyq shekara beketterinde elge kirý úshin PTR testiniń teris nátıjesi týraly anyqtama talap etilmeıdi. PTR buryn elge kirgenge deıin eń uzaǵy 72 saǵat buryn tapsyrylýy kerek edi. Sonymen qatar, shekaradan ótkennen keıin 48 saǵat ishinde antıgenge jedel test tapsyrý talaby da joıyldy.
Respýblıkada keıingi eki apta ishinde kún saıyn koronavırýs juqtyrǵandar sany 1 myńnan kem boldy. Osyǵan baılanysty el bıligi karantındik talaptardy kezeń-kezeńimen jumsartady. Shekteýlerdiń kóbi naýryz aıynda joıylǵan bolatyn. Máselen, sáýirden bastap Túrkııada aýrýhanalardan basqa jerde betperde kııý mindetti emes.