Túrkııadan Reseıge taýyq jumyrtqasynyń ekinshi partııasy ımporttaldy

<p>Túrkııadan jumyrtqanyń ekinshi partııasy ıArag-Kazmalıar ótkizý pýnkti arqyly Reseıge ákelindi, dep habarlaıdy QazAqparat agenttigi Rosselhoznadzorǵa silteme jasap.</p>

«5 qańtarda ıArag-Kazmalıar ótkizý pýnkti arqyly Túrkııadan 19,36 tonna (316 800 dana) kólemindegi azyq-túlik jumyrtqasynyń ekinshi partııasy Reseıge odan ári eldiń basqa da aımaqtaryna satýǵa ákelindi», - dep habarlady RF Rosselhoznadzordyń baspasóz qyzmeti.

Esterińizge sala keteıik, Rosselhoznadzor Reseı Federatsııasynda jumyrtqa baǵasynyń kóterilýi aıasynda Túrkııanyń 21 kásipornyna ónimin ımporttaýǵa ruqsat berdi. Jeltoqsan aıynyń basynda alǵashqy túrik kompanııalary taýyq jumyrtqasyn Reseıge eksporttaı bastady.

Túrkııa táýligine 70 mıllıon taýyq jumyrtqasyn óndirip, osy kórsetkish boıynsha álemde toǵyzynshy oryn ıelenip otyr. Elimizde taýyq jumyrtqasyn óndiretin 470-ke jýyq kásiporyn bolsa, onyń 110-y eksporttyq operatsııalarmen aınalysady.