Túrkııadan kelgen jolaýshylar 48 saǵat ishinde PTR test tapsyrýǵa mindetti

NUR-SULTAN. QazAqparat - Qazaqstan Respýblıkasynyń Bas memlekettik sanıtarlyq dárigeri Aıjan Esmaǵambetova osy jyly 22 mamyrda shyqqan №37 qaýlysyna ózgerister men tolyqtyrýlar engizdi, dep habarlaıdy QazAqparat.

Atalǵan qaýlyǵa sáıkes, kóliktegi taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy: ushyp kelý aımaǵynda barlyq jolaýshylar men ekıpaj múshelerine baılanyssyz termometrııa júrgizýdi; dene temperatýrasy joǵary adamdar nemese aýrý sımptomdary bar (jótel, entigý, tynys alýy qıyn) adamdar anyqtalǵan jaǵdaıda jolaýshyny yqtımal juqtyrýdy boldyrmaý jónindegi sharalardy saqtaı otyryp, áýejaı ızolıatoryna aparýdy; reıs kelgennen keıin eki saǵat ishinde Qazaqstan Respýblıkasy Densaýlyq saqtaý mınıstrliginiń Veb-qosymshasyna saýalnamalardy bere otyryp, olardy taný júıesiniń derekterdi óńdeýin; ushyp shyqqan elden PTR ádisimen COVID-19 anyqtamasynsyz halyqaralyq avıareıstermen kelgen jolaýshylarǵa bolatyn jerinde ushyp kelgen kúninen bastap 48 saǵat ishinde PTR ádisimen COVID-19-ǵa taldaýdan ótý mindettiligi týraly habarlama berýdi; ushyp shyqqan elden PTR ádisimen COVID-19 anyqtamasynsyz halyqaralyq avıareıstermen kelgen jolaýshylar boıynsha aqparatty Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq departamentterine jiberýdi qamtamasyz etýi tıis.

«Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq departamentteriniń basshylary COVID-19 anyqtamasynsyz halyqaralyq avıareıstermen kelgen jolaýshylardyń kelgen kúninen bastap 48 saǵat ishinde PTR ádisimen COVID-19-ǵa taldaýdan ótýin baqylaýdy qamtamasyz etsin, al ótpegen jaǵdaıda olarǵa qatysty tıisti sharalar qoldansyn», - delingen qaýlyda.

Osy qaýlynyń 44-qosymshasyna sáıkes, QHR, Ońtústik Koreıa, Japonııa, Grýzııa, Taıland elderinen kelgen azamattarǵa saýalnama jáne habarlama berý shekteý sharalary qoldanylady. Al Túrkııadan Qazaqstanǵa kelgen azamattarǵa termometrııa, saýalnama shekteý qaralary qoldanysta bolady. Munan bólek, Qazaqstan Respýblıkasynyń memlekettik shekarany kesip ótý kezinde alynǵan sátinen bastap 5 táýlikten aspaıtyn ýaqyt ótken PTR ádisimen zerthanalyq tekserýdiń teris nátıjesi bar COVID-19-ǵa tekserý týraly anyqtama bolǵan jaǵdaıda – shekteýsiz júre alady. Al atalǵan anyqtama bolmaǵan jaǵdaıda – ushyp kelgen kúninen bastap 48 saǵat ishinde ótý mindettiligi týraly habarlama berile otyryp, kelgen jeri boıynsha (shetel azamattary úshin), turatyn jeri boıynsha (Qazaqstan Respýblıkasynyń azamattary úshin) PTR ádisimen COVID-19-ǵa zerthanalyq tekserýden ótedi.