Túrkııadaǵy zilzala aımaǵynda tehnıka men jylaǵan adamdardyń daýysy qatar shyǵyp jatty – dáriger
Ol marapattaý rásiminen keıin Túrkııadaǵy tótenshe jaǵdaı aımaǵynda atqarǵan qyzmeti týraly aıtyp berdi, dep habarlaıdy QazAqparat tilshisi.
Qýat Ybyraev áriptesterimen birge Túrkııada 12 kún bolyp, jedel kómekti qajet etken jergilikti halyqqa járdem kórsetken.
«Onda barǵanda biz ózimizdiń medıtsınalyq modýldiń qurylysyn ulǵaıttyq. Sonymen qatar bizben birge barǵan qutqarýshylardyń jumysyna kómektesip, jedel medıtsınalyq kómekke muqtaj jergilikti halyqqa da járdem jasadyq.
Túrik halqynyń basyna túsken zilzalany eshkiminiń basyna bermesin. Óte qıyn jaǵdaı boldy. Jer silkinisi aımaqtarynda jumys istegen tehnıkanyń daýystary men jylaǵan adamdardyń daýystary qatarlasa shyǵyp jatty. Ásirese, bul psıhologııalyq turǵydan qıyn sát boldy», - dep eske ady marapat ıegeri.
Qýat Ybyraev 30 jyldyq tájirıbesi bar dáriger. Tótenshe jaǵdaılar mınıstrligine qarasty Apttar medıtsınasy ortalyǵynda qyzmet etip kele jatqanyna 8 jyldan asqan.
«Biz tek medıtsınalyq emes, sonymen birge psıhologııalyq kómek kórsettik. Atap aıtsam, 300-ge tarta adamǵa psıhologııalyq kómek sharalaryn jasadyq. Onyń ishinde 14 jasqa deıingi 19 bala boldy. Bizdiń quramda búkil medıtsınalyq apparattar boldy. Ol jerde bizdiń shaǵyn operatsııalar jasaýǵa múmkindigimiz boldy», - dep túıindedi Qýat Ybyraev.
Búgin Qýat Ybyraev Tótenshe jaǵadaılar mınıstri ıÝrıı Ilınniń qolynan «Qutqarý operatsııalaryna belsendi qatysqany úshin» vedomstvolyq nagradasyn aldy.
«Bizdiń eńbegimizdi elep-eskerilgeni úshin keýdemdi qýanysh sezimi kernep tur. Bizge qoldaý kórsetken elmizge, halqymyzǵa rahmet!», - dep alǵysyn bildirdi dáriger.
Aıta keteıik, Memleket basshysy Qasym-Jomart Toqaev M. Ǵabdýllın atyndaǵy Azamattyq qorǵaý akademııasynda sóılegen sózinde Túrkııadan aman-esen oralǵan soń qutqarýshylar mindetti túrde marapattalatynyn aıtqan bolatyn.