Túrkııadaǵy zilzala: 261 saǵat ótkende úıindi astynan eki adam aman tabyldy
Antakıadaǵy Ordabashy kóshesinde jumys istep jatqan qutqarý brıgadasy qıraǵan úıdiń tastarynyń arasynda qysylyp qalǵan eki azamatty aman alyp qaldy.
Olar dereý 26 jastaǵy Mehmet Álı Shakıroǵly men 34 jastaǵy Mustafa Avchıdi shyǵaryp aldy. Eki azamat oshaǵy Kahramanmarashtaǵy zilzaladan 261 saǵat ótkennen keıin qutqaryldy.
Olarǵa alǵashqy medıtsınalyq kómek kórsetilip, aýrýhanaǵa jetkizildi.
6 aqpanda epıtsentri Kahramanmarashta bolǵan, magnıtýdasy 7 baldan asqan eki jer silkinisi tirkeldi. Artynsha júzdegen aftershokqa jalǵasqan jerasty dúmpýi eldiń 10 provıntsııasynda, sondaı-aq kórshiles memleketterde, onyń ishinde Sırııada da sezildi.
Prezıdent Rejep Taıyp Erdoǵan Túrkııada jeti kún jalpyulttyq aza tutý kúnin jarııalady. Joıqyn zilzala saldarynan mert bolǵandar sany 36,1 myń adamnan asty.
Foto: aa.com.tr