Túrkııadaǵy jol apatynan zardap shekkender arasynda 4 atyraýlyq bar
Atyraý oblysy ákiminiń orynbasary Jasulan Bısembıevtiń aıtýynsha, Túrkııadaǵy jol apatynan zardap shekkender arasynda 4 atyraýlyq bolǵan.
«Jol apatynan jaralanǵandardyń ishinde tórteýi – atyraýlyq. Úsheýi Alanııa memlekettik aýrýhanasynda, al bir naýqas Sıde Anatolııa aýrýhanasynda jatyr. Bir naýqas jansaqtaý bóliminde, úsh naýqastyń jaǵdaıy ortasha aýyr, dárigerlerdiń baqylaýynda tıisti emin alýda. Qazirgi tańda oblystyq ákimdik pen densaýlyq saqtaý basqarmasy atalǵan aýrýhana dárigerlerimen tyǵyz baılanysta», -dep habarlady Jasulan Bısembıev.
Eske sala ketelik, budan buryn Alanııada qazaqstandyq týrıster mingen avtobýs júk kóligine soǵylyp, 2 adam kóz jumǵany habarlanǵan edi.
Túrkııanyń Alanıa qalasy aýmaǵynda týrıster mingen shaǵyn avtobýs júk kóligimen soqtyǵysty. Saldarynan eki adam kóz jumyp, taǵy 12 adam zardap shekti. Jolaýshylar arasynda qazaqstandyqtar bolǵan. Aýyr jaraqat alǵan 6 adam Alanıa men Manavgat aýdandarynyń aýrýhanalaryna jetkizilgen.
Keıin eki qazaqstandyq týrıske ota jasalǵany jazylǵan bolatyn.
Syrtqy ister mınıstrliginiń málimetinshe, Túrkııanyń Alanııa aýmaǵynda bolǵan jol apatynan eki qazaqstandyq jaraqat alǵan. Olarǵa ota jasalǵan.
Sondaı-aq, aýyr jaraqat alǵan qazaqstandyq týrıst qaıtys bolǵany habarlandy.
«Alanııadaǵy apattan zardap shekken jolaýshylardyń biri búgin tańerteń aýyr jaraqat saldarynan aýrýhanada qaıtys boldy. Qaza tapqan QR azamatynyń uly búgin Antalııaǵa keldi jáne qazir bizdiń dıplomattarmen birge. Oǵan búkil qajetti kómek kórsetiledi», - dep jazylǵan QR SІM habarlamasynda.