Túrkııadaǵy jer silkinisi: Túrkistandyqtar 2 ushaq gýmanıtarlyq kómek jiberedi
22:42, 08 Aqpan 2023
TÚRKІSTAN. QazAqparat - Túrkııadaǵy jer silkinisinen zardap shekken halyqqa túrkistandyqtar 2 ushaq gýmanıtarlyq kómek jiberedi, dep habarlaıdy QazAqparat tilshisi.
Túrkistan qalasyndaǵy halyqaralyq «Turkistan» áýejaıy Túrkııanyń Ystambul qalasyna gýmanıtarlyq reıs uıymdastyryp otyr. 10-11 aqpan kúnderi jolǵa shyǵatyn ushaqqa qazirgi kezde qajetti zattar jınaqtalyp jatyr. Oǵan kez kelgen azamat óz múmkindiginshe kómek berip, úlesin qosa alady. Eresekter men balalarǵa arnalǵan jyly qysqy kıimder, kórpe-tósek, turmystyq zattar áýejaıda qabyldanyp jatyr.
Túrkistan óńirlik kommýnıkatsııalar qyzmetiniń málimdeýinshe gýmanıtarlyq kómektiń jalpy salmaǵy - 2 tonna bolmaq. Áýe reısterin «Fly Arystan» jáne «Turkish Airlines» kompanııalary oryndaıdy. Qarjylaı kómek beremin deýshilerge arnaıy maman bekitilip, esep-shotta ashylǵan.