Túrkııadaǵy jer silkinisi: Qaza bolǵandar sany 12 adamǵa artty, 522-si zardap shekti

IZMIR. ANADOLY – QazAqparat – Túrkııada jer silkinisi saldarynan qaza bolǵandar sany 12 adamǵa artty, zardap shekti – 522 adam. «QazAqparat» HAA bul týraly «Anadoly» agenttigine silteme jasap habarlaıdy.

Buǵan deıin habarlaǵanymyzdaı, juma kúni Túrkııanyń batysynda 6,6 ball qýatymen jer silkindi.

Túrkııa úkimeti janyndaǵy Tótenshe jaǵdaılardyń aldyn alý jáne olardyń saldaryn joıý jónindegi basqarmanyń (AFAD) aqparatyna sáıkes, jergilikti ýaqyt saǵat 14.51-de tirkelgen jer silkinisiniń oshaǵy Izmır provıntsııasynyń Seferhısar aýdanynda, Egeı teńiziniń jaǵalaýynda ornalasqan. Zilzala epıtsentri 16,5 shaqyrym qashyqtyqta bolǵan. Dúmpýler 15 sekýndqa jýyq jalǵasqan jáne Túrkııa batysynyń kóptegen provıntsııalarynda sezildi.

Túrkııa Іshki ister mınıstrliginen málim etkendeı, Izmır qalasyndaǵy Bornova jáne Baırakly aýdandarynda alty turǵyn úı qırady.

Eldiń Ekologııa jáne qala qurylysy mınıstri Mýrat Kýrýmanyń sózinshe, 12 adam qaza bolyp, 522 adam zardap shekti.

AFAD deregine sáıkes, jerasty dúmpýlerinen keıin 67 aftershok tirkelgen.

Qırandylar arasynan 70 turǵyn tabyldy. Izmırde tıisti jumystardy júrgizý úshin ázirge 3 mln túrik lıri bólinip otyr.

Aldyn ala aqparat boıynsha, zardap shekkender arasynda Qazaqstan azamattary joq.

Qazaqstan Respýblıkasynyń Túrkııadaǵy Elshisi Abzal Saparbekuly elimiz azamattary habarlasa alatyn telefon nómirlerin jarııalady.