Túrkııadaǵy sý tasqynynan kóz jumǵandar sany 10 adamǵa jetti
19:35, 15 Naýryz 2023
ShANLYÝRFA. Anadoly - QazAqparat – Túrkııanyń ońtústik-shyǵysyndaǵy Shanlyýrfa provıntsııasynda sel tasqynynan qaza tapqandar sany 10 adamǵa jetti, dep habarlaıdy QazAqparat Anadolyǵa silteme jasap.
Shanlyýrfada 14 naýryzda tolassyz jańbyr jaýǵan. Saldarynan tasqyn sý provıntsııanyń ákimshilik ortalyǵyndaǵy birqatar kóshe men dańǵylyn basyp qalǵan. Provıntsııanyń órt qyzmetiniń málimetinshe, Veısel Karanı kvartalyndaǵy ǵımarattardyń biriniń jertólesinen bes adamnyń máıiti tabylǵan. Olar sırııalyqtar. Osylaısha, tabıǵı apat qurbandarynyń sany 10 adamǵa jetti.
Іzdeý-qutqarý jumystary jalǵasyp jatyr.
Eske salaıyq, Túrkııanyń Shanlyýrfa provıntsııasynda tolassyz jaýǵan jańbyrdan 5 adam kóz jumǵany habarlandy. Aýrýhanany sý basyp, mektepterde sabaq toqtaǵan.