Túrkııadaǵy prezıdenttik saılaýǵa shetelden 1,8 mıllıonnan astam saılaýshy daýys berdi
09:14, 26 Mamyr 2023
ANKARA. QazAqparat - Túrkııadaǵy prezıdenttik saılaýdyń ekinshi týrynda shetelde jáne keden beketterinde daýys bergen saılaýshy sany 1 856 968 adamǵa jetti, dep habarlaıdy QazAqparat Anadoly agenttigine silteme jasap.
Sheteldik ókildikter men keden beketterinde Túrkııadan tys jerde saılaý tizimderine tirkelgen azamattardyń daýys berý protsesi áli jalǵasýda.
Túrkııa ókildikteri men shekara beketterinde daýys berý 20 mamyr, senbiden beri júrgizilip jatyr.
Túrkııa Joǵary saılaý komıssııasynyń málimetinshe, 24 mamyr kúni saǵat 14:00-ge deıin 1 856 968 saılaýshy sheteldik dıplomatııalyq ókildikter men shekara beketterinde daýys bergen.
Sheteldik ókildikterde daýys berý protsesi 24 mamyr kúni saǵat 22:00-de aıaqtalsa, keden beketterinde 28 mamyr kúngi saǵat 17:00-ge deıin jalǵasady.