Túrkııadaǵy qazaq aýyly Jambyl oblysy ujymynyń ónerin tamashalaýǵa jınaldy

ANKARA. QazAqparat - Túrkııada júrgen Jambyl oblysy Shý aýdanynyń «Əsem əýen» folklorlyq ansambliniń gastroldik sapary Nıgde qalasynyń Bor mýnıtsıpalıtetinde jalǵasty. Bul týraly Qazaqstannyń Túrkııadaǵy Elshiliginen málim etti, dep habarlaıdy QazAqparat.

«Əsem əýen» folklorlyq ansambli Túrkııadaǵy «Anadolý» dástúrli festıvaline qatysyp jatqanyn buǵan deıin habarlaǵan bolatynbyz.

Shyǵarmashylyq delegatsııany kútip alǵan Bor mýnıtsıpalıteti mádenıet basqarmasynyń basshysy Mehmet Bash tarıhı oryndardy aralatyp, kóne Tıana qalashyǵy aspan asty mýzeıimen tanystyrdy. Keshkisin 5 myń oryndyq amfıteatrda ótken kontsertke jaqyn mańdaǵy Altaı qazaq aýylynyń turǵyndary arnaıy keldi. Sondaı-aq sharaǵa Qazaqstannyń Túrkııadaǵy elshisi Abzal Saparbekuly, Nıgde qalasynyń meri Iylmaz Shımshek, Bor mýnıtsıpalıteti  meri Sytky Erat jáne basqa da laýazymdy tulǵalar men BAQ ókilderi qatysty.  

Bıyl 15-shi mərte uıymdastyrylyp otyrǵan «Anadolý» festıvaline alys-jaqyn túrkitildes memleketterden jáne Túrkııa aýmaǵyndaǵy barlyq qalalar men provıntsııalardan shyǵarmashylyq toptar shaqyryldy. Olar on kún boıy Anadolý jerin dýmanǵa bólep, ulttyq folkloryn pash etetin bolady.