Túrkııadaǵy daýyldy eskertýden keıin Dımash kontsertiniń ótetin ornyn ózgertti

ASTANA. QazAqparat – Dımash Qudaıbergen daýyldy eskertýge baılanysty Antalıadaǵy kontserti ótetin oryn aýystyrylatynyn málimdedi, dep habarlaıdy QazAqparat.

«Qurmetti dostar! 6 mamyrǵa Antalıada jarııalanǵan daýyldy eskertýge baılanysty Dımashtyń»Stranger«kontserti Aqdenız ashyq stadıonynan Antalya EXPO 2016 aýmaǵynda ornalasqan Antalya EXPO Kongre Merkezi jabyq alańyna aýystyrylatynyn habarlaımyz», - delingen ánshiniń paraqshasynda jarııalanǵan habarlandyrýda.
Sondaı-aq barlyq kórermen saǵat 16:00-20:00 aralyǵynda Aqdenız stadıonynan jańa alańǵa deıin jáne keri baǵytta tegin transfer uıymdastyrylatyny aıtylǵan. Keri qaıtýshylarǵa ýaqyt shekteýi joq. Kontsert zalyna óz betimen jetýge de bolady.
Tolyq aqparat https://dimashali.com/event/antalya/ paraqshasynda ornalastyrylǵan.