Túrkııadaǵy Bodrým áýejaıynyń mańynda iri orman órti tutandy

BODRÝM. ANADOLU - QazAqparat – Túrkııanyń ońtústiginde Mýgla provıntsııasynda Bodrým áýejaıy mańynda orman aýmaǵynda órt tutandy. Bul aýdanda qazir aýa temperatýrasy 43 gradýstan asady, dep habarlaıdy QazAqparat Túrkııanyń Anadolu agenttigine silteme jasap.

Órt sóndirýge Mýgla provıntsııasy orman sharýashylyǵy basqarmasyna tıesili 9 tikushaq pen 9 ushaǵy, 53 avtotsısterna, 4 býldozer, TJM jeke quramynyń 300 adamy qatysyp jatyr. Túngi ýaqytta orman órtin sóndirýge túnde kórý júıesi bar tikushaq tartyldy.

Mýgla gýbernatory Orhan Tavlı áýede jáne qurlyqta órtpen kúresý jalǵasyp jatqanyn habarlady. Mılıas aýdanynda qart adamdar evakýatsııalandy.

Aýyl jáne orman sharýashylyǵy mınıstri Ibragım ıÝmakly oqıǵa bolǵan jerdi tekserip, órttiń baqylaýda ekenin habarlady. Ol sondaı-aq órttiń áýejaı mańynda bastalǵanyn naqtylady.

Onyń aıtýynsha, elde taǵy 6 órt tutanǵan: ekeýi Izmırde, ekeýi Hataıda jáne bir-birden Kahramanmarashta jáne Balykesırde.

Órttiń shyǵý sebebi anyqtalmaǵan. Tergeý júrgizilýde.

Buǵan deıin eldiń soltústigindegi Qara teńiz jaǵalaýynda ornalasqan túrik provıntsııalarynda qatty jańbyrdan keıin sý tasqyny bolǵan. Dıýzdje jáne Zongýldak provıntsııalary zardap shekti.