Túrkııadaǵy joǵary ınflıatsııa týrısterdiń qaltasyn qaǵýda

<p>ASTANA.KAZINFORM - Nemis týrısteri úshin Túrkııa basty baǵyttardyń biri bolyp keldi. Alaıda Túrkııadaǵy ınflıatsııa qarqyny bul jaǵdaıdy ózgertti. Bul týraly <a href="https://www.inform.kz/ru/nemtsi-pokidayut-turtsiyu-visokaya-inflyatsiya-menyaet-turisticheskie-predpochteniya-c83b1f" target="_blank" rel="noopener">Kazinform-nyń menshikti</a> tilshisi habarlady.</p>

Germanııanyń Federaldy statıstıkalyq departamentiniń málimetinshe, Túrkııaǵa týrıstik paketterdiń quny ótken jyly 9% - dan asyp, bul Eýropa boıynsha týrıstik paketter baǵasynyń ortasha ósiminen 5,7% -dy qurady.

Túrkııadaǵy joǵary ınflıatsııa ásirese týrıstik aımaqtardaǵy qyzmetter men taýarlar qunynyń kúrt ósýine ákeldi. Bul tek jergilikti turǵyndarǵa ǵana emes, sonymen qatar sheteldik týrısterge de áser etýde.

Nemis týrısteriniń arasynda Túrkııaǵa degen qyzyǵýshylyqtyń tómendegeni sonshalyq, el artyqshylyǵy basym elder tiziminde uzaq merzimdi kóshbasshylyq pozıtsııasyn joǵaltty. Onyń ornyna nemister Ispanııa nemese Gretsııa sııaqty qol jetimdi eýropalyq baǵyttardy kóbirek tańdaı bastady.

Týrıstik sektordan basqa, ınflıatsııanyń ósýi jergilikti turǵyndarǵa úlken qysym jasady. Túrkııanyń kóshi-qon basqarmasynyń málimeti boıynsha, ekonomıkalyq jaǵdaıdyń nasharlaýyna baılanysty jekelegen azamattar jaqsy ómir súrý jaǵdaıyn izdep elden ketedi.

Germanııa, Reseı jáne Taıaý Shyǵys elderi qyzyǵýshylyǵynyń tómendeýine qaramastan, Azııadan kelgen saıahatshylardyń arqasynda Túrkııaǵa jalpy týrıstik aǵym ósýde. 2022-2024 jyldarda japondyq týrıster sany 334,9% – ǵa, qytaılyqtar 292,9% – ǵa, fılıppındik týrıster 55,7% - ǵa ósti.

Bul ósý pandemııadan keıin halyqaralyq týrızmniń qalpyna kelýimen jáne Túrkııanyń Azııa elderi úshin baǵyt retinde tanymal bolýymen túsindiriledi.

Túrik bıligi mundaı jaǵdaıda ekijaqty synaqqa tap boldy. Bir jaǵynan, ekonomıkalyq turaqsyzdyqqa baılanysty Eýropalyq týrısterdi tartý qıyndaı tústi, al ekinshi jaǵynan, Azııa naryqtary joǵary ósý áleýetin kórsetedi. Týrbıznes salasynyń mamandary Túrkııanyń týrızmin turaqtandyrý úshin qol jetimdi demalys nusqalaryn damytý jáne el ekonomıkasyn nyǵaıtý qajet dep boljaıdy.

Buǵan deıin osy jyldyń alǵashqy 10 aıynda Antalııaǵa 16 mıllıon 131 myń 847 týrıst kelgenin, bul ótken jyldyń sáıkes kezeńimen salystyrǵanda 8 paıyzǵa artqanyn jazǵanbyz. Bul ósim aımaqqa degen qyzyǵýshylyqtyń turaqtylyǵyn jáne túrik bıliginiń sheteldik qonaqtardy tartýǵa kúsh salyp jatqanyn kórsetedi.