Túrkııadaǵy teraktiden zardap shekken qazaqstandyqtar joq – SІM

<p>ASTANA. KAZINFORM &ndash; Keshe Túrkııa astanasy Ankara qalasynda lańkestik áreket jasaldy. Ókinishke qaraı, qurban bolǵandar men jaralanǵandar bary aıtyldy. Osy oraıda elimizdiń Syrtqy ister mınıstrliginen Qazaqstan azamattarynyń qaýipsizdigi týraly suraǵan edik.</p>

«Qaza bolǵandar men zardap shekkenderdiń arasynda bizdiń azamattar joq», - dep jaýap berdi Syrtqy ister mınıstrliginiń resmı ókili Aıbek Smadııarov agenttik tilshisine.

Aıta keteıik, keshe Túrkııanyń Ankara qalasynda áskerı ushaqtar men ǵarysh tehnıkasyn shyǵaratyn TUSAŞ korporatsııasy ǵımaratynyń janynda terakt boldy. 

Qaıǵyly oqıǵadan soń Memleket basshysy Qasym-Jomart Toqaev Rejep Taııp Erdoǵanǵa kóńil aıtý jedelhatyn joldady. 

Túrkııanyń ishki ister mınıstri Alı Ierlıkaıanyń málimdesinde Túrkııanyń TUSAŞ aeroǵarysh kompanııasynyń nysanyndaǵy terakt saldarynan 4 adam qaza taýyp, taǵy 14 adam jaraqat alǵany aıtylǵan. 

Mınıstrdiń aıtýynsha, shabýyldy jasaǵan eki lańkes zalalsyzdandyrylǵan. Lańkesterdiń biri áıel.

Vedomstvo basshysy jurtshylyqty bolǵan oqıǵaǵa qatysty tek resmı aqparat kózderinen alynǵan aqparatqa senýge shaqyrdy.