Túrkııadaǵy saılaý kezinde janjal shyqty, qurbandar bar

<p>ASTANA. KAZINFORM &ndash; Túrkııada ótip jatqan mýnıtsıpaldy saılaý kezindegi janjaldan eki adam qaza tapty. Bul týraly <a href="https://www.aa.com.tr/tr/gundem/muhtarlik-secimi-nedeniyle-cikan-kavgalarda-2-kisi-oldu-53-kisi-yaralandi/3179620" target="_blank" rel="noopener">Anadolu</a> agenttigi jazdy.</p>

Birinshi jaǵdaı Dııarbakyr oblysynyń Sýr aýdanyndaǵy Ogochlıdara tóńireginde boldy. Mýnıtsıpaldyq saılaýǵa daýys berý kezinde tártipsizdikter boldy. Janjal kezinde tas, taıaq, tipti tapansha qoldanylǵan.

Aldyn ala málimet boıynsha, oqıǵa saldarynan 44 jastaǵy Emın Chelık qaza taýyp, taǵy 11 adam jaraqat alǵan. Zardap shekkender qaladaǵy aýrýhanalarǵa jetkizildi.

Oqıǵa kezinde aımaqqa jiberilgen eki jedel járdem kóligine de shabýyl jasalǵan. Qaıǵyly oqıǵaǵa ne sebep bolǵany ázirge belgisiz. Jergilikti quqyq qorǵaý uıymdary aımaqta qaýipsizdik sharalaryn júrgizip jatyr. 

Býrsa oblysynda da tóbeles bolyp, bir adam qaza taýyp, eki adam jaralandy. Janjalǵa 32 jastaǵy ıÝsýf Iıgıt esimdi jigittiń eki týysy memlekettik qyzmetke usynylǵanyna qaramastan, ol aýyl basshysy laýazymyna basqa jergilikti rýdan shyqqan kandıdatty qoldaýy sebep bolǵan. Jas jigit pen onyń eki týysynyń arasynda tóbeles shyǵyp, saldarynan týystarynyń biri myltyq alyp, oq jaýdyrǵan. Jas jigit sol jerde kóz jumdy, eki adam zardap shekken.

Aıta keteıik, búgin, 31 naýryzda Túrkııada mýnıtsıpaldy saılaý ótti. Saılaý 08:00-de bastalyp, 17:00-de aıaqtalady.