Túrkııadaǵy mýnıtsıpaldy saılaýda oppozıtsııalyq saıasatkerler alda keledi

<p>ASTANA. KAZINFORM &mdash; Túrkııanyń Ystambul, Ankara jáne Izmır sııaqty mańyzdy qalalarynda ótken mer saılaýynda oppozıtsııalyq Respýblıkalyq halyq partııasynyń kandıdattary alda keledi. Bul týraly <a href="https://secim.aa.com.tr/" target="_blank" rel="noopener">Anadolu Agency</a> jazdy.</p>

Ankaranyń qazirgi meri, Respýblıkalyq halyq partııasynan úmitker bolǵan Mansýr ıAvash óz ornyn saqtap qaldy. Bıýlletenderdiń 41,96 paıyzyn sanaý qorytyndysy boıynsha sheneýnik 58,56 paıyz, bılik partııasynyń kandıdaty Turǵyt Altynok 33,63 paıyz daýys jınaǵan.

Ystambulda qazirgi qala meri ári RHP kandıdaty Ekrem Imamoglý jeńiske jetti. Saılaý bıýlletenderiniń 67,96%-yn sanaǵannan keıin ol 50,31%, onyń básekelesi Murat Kýrým 40,99% daýys jınady.

Izmırdegi saılaýda bıýlletenderdiń 99,09 paıyzyn óńdegennen keıin oppozıtsııa ókili Djemıl Týgaı 48,88 paıyzben birinshi orynda tur.

Esterińizge sala keteıik, 31 naýryzda Túrkııada mýnıtsıpaldy saılaý ótip, onyń barysynda azamattar iri qalalardyń, aýdandardyń ákimderin jáne mýnıtsıpaldy keńes múshelerin saılady.

Elde 61 mıllıonnan astam saılaýshy tirkelgen, olar úshin 206 845 saılaý ýchaskesi ashylǵan.

Saılaýǵa 34 saıası partııanyń kandıdattary qatysty. Onyń ishinde prezıdent Rejep Taıyp Erdoǵan basqaratyn bıliktegi Ádilet jáne damý partııasy jáne táýelsiz kandıdattar da bar.