Túrkııadaǵy karate týrnıri: Qazaqstan jarysty eki altyn, úsh qolamen qorytyndylady
Sportty damytý dırektsııasynan málim etkenindeı, álemdik reıtıngide ár salmaq boıynsha úzdik 32 sportshy ǵana baq synaıtyn aýqymdy jarysqa 60 elden 400-ge jýyq tatamı sheberi jınaldy. Qazaqstannan 14 karateshi qatysyp, eki altyn, úsh qola júldege ıe boldy.
Kýmıte baǵdarlamasynda Móldir Jańbyrbaı (50 kg) altyn oljalasa, Bella Samasheva 55 kelige deıingi salmaqta qarsylas shaq keltirmedi.
Sondaı-aq Azııa oıyndarynyń chempıony Nurqanat Ájiqanov 75 kelige deıingi salmaqta qola júldeni jeńip aldy. Nurqanat alǵashqy aınalymda Frantsııa ókilin, keıin Kventın Mahodendi (Belgııa) tize búktirip, shırek fınalda túrkııalyq ıÝrýr Omer Farýkke ese jiberdi. Úshinshi oryn úshin básekede frantsııalyq Entso Bertondy utty.
Osyǵan deıin Azııa oıyndarynyń qola júldegeri, Azııa chempıony Ásel Qanaı men Tokıo olımpıadasynda olja salǵan Sofıa Berýltseva úzdik úshtikke ilikken edi.
«Halyqaralyq jarystarda Qazaqstannyń ánuranyn shyrqatý úshin kóp kúsh jumsaısyń. Men baqyttymyn, birinshi oryn aldym. Sportshynyń tuǵyrǵa shyǵyp, qolyn júreginiń tusyna qoıyp, óz eliniń ánuranyn oryndaý – úlken baqyt. Osy kezdegi sezimdi sózben aıtyp jetkizý múmkin emes. Meni qoldaǵan árbir janǵa alǵys bildiremin! Alǵa, Qazaqstan!», - dedi jarystan keıin Móldir Jańbyrbaı.
Eske sala keteıik, budan buryn Sofıa Berýltsevanyń Túrkııadaǵy týrnırde qola júldeni jeńip alǵanyn jazǵan bolatynbyz.