Túrkııada zymyran jasaıtyn zaýyttaǵy jarylystan 5 adam kóz jumdy

ANKARA. Anadoly-QazAqparat - Túrkııanyń Ulttyq Qorǵanys mınıstrligi MKE qorǵanys kompanııasyndaǵy jarylystan qyzmetkerler qaza tapqanyn rastady, dep habarlaıdy QazAqparat Anadoly agenttigine silteme jasap.

Ankara provıntsııasynyń Elmadaǵ aýdanynda ornalasqan zymyran tehnıkasy men jarylǵysh zat shyǵaratyn MKE («mashına jáne hımııa ónerkásibi») zaýytynda jarylys bolǵan.

Oqys jaǵdaıdan bes qyzmetker kóz jumdy.

Bul týraly senbide Túrkııanyń Ulttyq Qorǵanys mınıstrligi habarlady.

Vedomstvo 10 maýsym kúni tańerteń bolǵan qaıǵyly oqıǵany ákimshilik tergeý bastalǵanyn atap ótti.

Jaǵdaıdy quqyq qorǵaý organdary zerdelep jatyr.

Zaýyt qyzmetkerleriniń jaqyndary kásiporynnyń aldyna jınalyp, qandaı da bir habar kútip tur.

Zardap shekken biraz jumysshy jedel járdem kóligimen tóńirektegi aýrýhanalarǵa jetkizilgen. Keıbiriniń jaǵdaıy aýyr ekeni habarlandy.