Túrkııada zilzaladan keıin segiz kún ótkende 6 jáne 12 jasar balalar aman tabyldy

ASTANA. Anadoly-QazAqparat – Túrkııanyń Adyıaman provıntsııasynda qutqarýshylar jer silkinisinen keıin arada 178 saǵat ótkende qıraǵan úıdiń úıindisi astynan Mıraı esimdi alty jasar balany aman alyp qaldy. Bul týraly QazAqparat Anadoly agenttigine silteme jasap habarlaıdy.

Qýanyshty habar qıraǵan ǵımarat úıindileri astynan tiri qalǵandardy izdeý jumysy júrgizilgen Álıtash turǵyn oramynan keldi.

Mıraı aýrýhanaǵa jetkizildi.

Al eldiń Hataı provıntsııasynda zilzaladan keıin arada 182 saǵat ótkende úıindi astynan 12 jasar bala shyǵaryldy.

Kaan esimdi bala Antakıanyń Djabraıyl turǵyn oramynda qulaǵan ǵımarat úıindileri astynan qutqaryldy. Bala aýrýhanaǵa jatqyzyldy.

Іzdestirý-qutqarý jumystary jalǵasyp jatyr.

Epıtsentri Túrkııanyń Kahramanmarash qalasynda bolǵan joıqyn jer silkinisinen qaza tapqandar sany 31,6 myńnan asty.

Prezıdent Rejep Taıyp Erdoǵan tabıǵı apat qurbandaryn eske alý úshin Túrkııada jeti kúndik ulttyq aza tutý jarııalady. Túrkııanyń memlekettik týy búkil elde jartylaı túsirildi.

Joıqyn jer silkinisi kórshiles elderde, sonyń ishinde Sırııa, Lıvan, Soltústik Kıprdiń Túrik Respýblıkasy, Grekııa Kıprinde jáne Irakta da sezildi.

Foto: Anadoly Agenttigi