Túrkııada zilzaladan qaza tapqandar sany saǵat saıyn ósýde

ASTANA. Anadoly - QazAqparat – Túrkııanyń Kahramanmarash provıntsııasynda zilzaladan kóz jumǵan adamdar sany 3381 adamǵa jetti, 20426 adam jaraqat aldy, dep habarlaıdy QazAqparat Anadolyǵa silteme jasap.

Oqıǵa ornynda 24 myńnan asa qutqarýshy kúni-túni jumys júrgizip jatyr.

Buǵan deıin Túrkııanyń vıtse-prezıdenti Fýat Oktaı úıindiler astynan 7840 adam qutqarylǵanyn habarlaǵan edi. Jataqhanalarda, ýnıversıtetterde jáne baspanalarda 338 000 adam ornalastyrylǵan.

Prezıdent Rejep Taıyp Erdoǵan Túrkııada apat qurbandary úshin 7 kúndik Jalpyulttyq aza tutý týraly jarııalady.

Taǵy da silkinister qaýpi bolǵandyqtan, Túrkııa bıligi halyqqa úılerine qaıta barmaýǵa keńes beredi.

Aıta keteıik, Qazaqstan Tótenshe jaǵdaılar mınıstrliginiń qutqarýshylary jer silkinisi saldaryn joıýǵa kómek kórsetý úshin Almatydan Túrkııaǵa attandy.

Onyń quramynda Qazaqstannyń respýblıkalyq jedel qutqarý jasaǵynyń qutqarýshylary, medıtsınalyq qyzmetkerler jáne qutqarýshy ıtter bar.

Tıisti tapsyrmany Qazaqstan Prezıdenti Qasym-Jomart Toqaev berdi. Bort birinshi kezekte Gazıantep qalasyna barady.

Sońǵy málimet boıynsha, Túrkııada zilzala qurbandarynyń sany 3 myńǵa jetti.

Túrkııa Prezıdenti Rejep Taıyp Erdoǵan eldiń ońtústik-shyǵysynda bolǵan joıqyn jer silkinisine baılanysty 12 aqpanǵa deıin jeti kúndik ulttyq aza tutý jarııalady.