Túrkııada zilzaladan qaza tapqandar sany 76 boldy

IZMIR. Anadoly-QazAqparat - Izmırdegi jer silkinisinen qaza tapqan turǵyndardyń sany 76 boldy, dep habarlaıdy QazAqparat Anadoly agenttigine silteme jasap.

Bul jaıynda Túrkııa úkimeti janyndaǵy tótenshe jaǵdaılardyń aldyn alý jáne saldaryn joıý basqarmasy (AFAD) málim etti.

Keshe saǵat 17.20 kezindegi sońǵy aqparatqa sensek, aýrýhanaǵa zilzaladan zardap shekken 940 adam jetkizilgen. Onyń ishinde 722 adam kómek kórsetilgen soń úıine jiberildi. 28 naýqas áli em alyp jatyr.

Qırap qalǵan 8 ǵımaratta qutqarý-izdeý jumysy jalǵasyp jatyr.

Jer silkinisinen keıin 947 aftershok bolǵan, onyń 43-iniń magnıtýdasy 4 baldan asty.

Eske sala keteıik, juma kúni Túrkııanyń batysynda 6,6 baldyq jer silkinisi boldy. Jerasty dúmpýi jergilikti ýaqytpen 14.51 kezinde Izmır provıntsııasy Seferhısar aýdanyndaǵy Egeı teńiziniń jaǵalaýynda tirkelgen. Zilzala oshaǵy - 16,5 shaqyrym tereńdikte.

Qazaqstan Prezıdenti Qasym-Jomart Toqaev elimizdiń Túrkııadaǵy jer silkinisinen zardap shekkenderge kómektesýge daıyn ekenin jetkizdi.