Túrkııada zilzaladan qaza tapqandar sany 115 boldy

IZMIR. Anadoly-QazAqparat – Túrkııanyń batysynda bolǵan zilzala qurbandarynyń sany 115 adamǵa jetti, dep habarlaıdy QazAqparat Anadoly agenttigine silteme jasap.

Bul týraly Túrkııa úkimeti janyndaǵy tótenshe jaǵdaılardyń aldyn alý jáne saldaryn joıý basqarmasy (AFAD) resmı málimet taratty.

Vedomstvonyń aqparatyna sensek, 30 qazandaǵy jer silkinisinen keıin jalpy sany 2846 aftershok tirkelgen. Onyń ishinde 46 jaǵdaıda jerasty dúmpýiniń magnıtýdasy 4 baldan asqan.

Zilzala saldarynan 115 adam qaza bolyp, 1 035 adam jaraqat alǵan. Onyń shinde 1 011 turǵyn medıtsınalyq kómek kórsetilip, qajetti em-sharany alǵan soń úıine jiberilgen. 23 adam áli emdelip jatyr.

Izmırdegi qıraǵan ǵımarattardyń bárinde izdeý-qutqarý jumystary aıaqtaldy.

Eske sala keteıik, 30 qazanda Izmır provıntsııasy Egeı teńiziniń jaǵalaýynda magnıtýdasy 6,6 baldyq jer silkinisi bolǵan edi.