Túrkııada zilzaladan bergi on úshinshi kúni 3 adam qutqaryldy

HATAI. ANADOLY-QazAqparat – Túrkııanyń ońtústigindegi Hataı provıntsııasynda joıqyn jer silkinisinen keıin 13-kúni úıindi astynan úsh adam qutqaryldy, dep habarlaıdy QazAqparat tilshisi «Anadoly» agenttigine silteme jasap.

Qýanyshty habar senbi kúni Antakıa qalasynan keldi, onda qutqarýshylar Túrikmenbashy kóshesindegi general Shúkrý Kanatly kvartalyndaǵy úı ornyn qazǵan.

Jerasty dúmpýlerinen keıin 296-saǵatta er adam, áıel jáne bala qutqaryldy, olardyń aty-jóni áli anyqtalmaǵan. Olarǵa alǵashqy medıtsınalyq kómek kórsetildi, sodan keıin aýrýhanaǵa jiberildi.

Eske sala ketsek, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jer silkinisi eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.

Qazirgi ýaqytta Túrkııada zilzala qurbandarynyń sany 39,6 myńnan asty.

Foto: aa.com.tr